છોટાઉદેપુરમાં ૭૩માં સ્વાતંત્ર્ય પર્વની ઉજવણી

મુખ્યમંત્રી શ્રી વિજયભાઇ રૂપાણીએ તિરંગો લહેરાવી સલામી આપી

મુખ્યમંત્રી શ્રી વિજયભાઇ રૂપાણીએ છોટા ઉદેપુર ખાતે રાષ્ટ્ર ધ્વજ ફરકાવીને ૭૩માં આઝાદી પર્વની ઉજવણી કરી છે. અહીં જનશક્તિના અદમ્ય ઉત્સાહ અને ઉમંગ સાથે થયેલી રાજ્ય ઉજવણીથી રાષ્ટ્રચેતનાનો અદ્દભૂત સંચાર થયો છે. મુખ્યમંત્રીશ્રીએ કાશ્મીરમાંથી અનુચ્છેદ ૩૭૦ અને ૩૫-એ કલમ નાબૂદ કરવાના કારણે આ વખતની ૧૫મી ઓગસ્ટની ઉજવણીને ઐતિહાસિક ગણાવી હતી.

Chota Udepura Ma 73ma S‍vatantrya Parvani Ujavani 04
561

Get real time updates directly on you device, subscribe now.

છોટાઉદેપુરમાં આનંદ અને ઉસ્તાહ સાથે ૭૩માં સ્વાતંત્ર્ય પર્વની શાનદાર ઉજવણી

Related Posts
1 of 297

મુખ્યમંત્રી શ્રી વિજયભાઇ રૂપાણીએ છોટા ઉદેપુર ખાતે રાષ્ટ્ર ધ્વજ ફરકાવીને ૭૩માં આઝાદી પર્વની ઉજવણી કરી છે. અહીં જનશક્તિના અદમ્ય ઉત્સાહ અને ઉમંગ સાથે થયેલી રાજ્ય ઉજવણીથી રાષ્ટ્રચેતનાનો અદ્દભૂત સંચાર થયો છે. મુખ્યમંત્રીશ્રીએ કાશ્મીરમાંથી અનુચ્છેદ ૩૭૦ અને ૩૫ કલમ નાબૂદ કરવાના કારણે વખતની ૧૫મી ઓગસ્ટની ઉજવણીને ઐતિહાસિક ગણાવી હતી.

  • મુખ્યમંત્રી શ્રી વિજયભાઇ રૂપાણીએ તિરંગો લહેરાવી સલામી આપી
  • કાશ્મીરમાંથી કલમ ૩૭૦ નાબૂદ થતા   સ્વતંત્રતા દિન ઐતિહાસિક – મુખ્યમંત્રીશ્રી વિજયભાઇ રૂપાણી
  • રંગારંગ સાંસ્કૃતિ કાર્યક્રમોની પ્રસ્તુતી, મુખ્યમંત્રીશ્રીએ ખુલી જીપમાં ફરી જનશક્તિનું અભિવાદન ઝીલ્યું – મુખ્યમંત્રીશ્રી
  • આઝાદી પહેલા ‘‘ડાઇ ફોર નેશન’’ અને હવેલિવ ફોર નેશનનો મંત્ર જન જનમાં ગૂંજતો થયો છે
  • જ્ઞાતિજાતિ, ભાષાધર્મ, પ્રાંતપ્રદેશથી ઉપર ઉઠીને સામાજિક સમરસતાથી સૌના સાથ અને સૌના વિકાસ મંત્રને સાકાર કર્યો છે
  • ૬૦૦થી વધુ નિર્ણયો કરીને અનિર્ણાયકતાને ફગાવીને નિર્ણાયકતાના આધાર પર રાજ્ય સરકાર કામ કરી રહી છે
  • નયા ગુજરાતના સ્વપ્નને સાકાર કરવામાં સહભાગી બનવા જનશક્તિને મુખ્યમંત્રીશ્રીનું આહવાન

ઉક્ત સંદર્ભમાં મુખ્યમંત્રી શ્રી રૂપાણીએ જણાવ્યું કે,  કાશ્મીરમાં ૩૭૦ની કલમ ૩૫એના કારણે જાણે કાશ્મીર ભારતથી અલગ હોય એવું સ્ટેટ બન્યું હોય એવું સમગ્ર દેશને લાગતું હતું. કાશ્મીરના અલગ દરજ્જાએ આપણા દેશમાં અલગતાવાદ ઉભો કર્યો. ર્ડા. શ્યામાપ્રસાદ મુખરજીએ શહાદત વહોરીને કાશ્મીર માટે લડાઇ લડ્યા હતા. કાશ્મીરી ઘાટીમાં સાત સાત દાયકા સુધી અલગતાવાદીઓ આતંકવાદને વધારતા ગયા. ૪૧ હજારથી વધુ નિર્દોષ લોકો આતંકનો ભોગ બન્યા, જાન ગુમાવ્યા. કાશ્મીર સાત દાયકાથી વિકાસથી વંચિત રહ્યું હતું.

Chota Udepura Ma 73ma S‍vatantrya Parvani Ujavani 01
Chota Udepura Ma 73ma S‍vatantrya Parvani Ujavani 01

ગુજરાતના બે નરબંકાઓ પ્રધાન મંત્રી શ્રી નરેન્દ્રભાઈ મોદી અને ગૃહ મંત્રી શ્રી અમિતભાઈ શાહે ૭ર વર્ષ પછી પમી ઓગસ્ટ, ર૦૧૯એ પૂર્ણ સ્વરાજનું સ્વપ્ન સાકાર કર્યું છે. તેથી ૩૭૦ની કલમ હટાવી, ૩૫એ કલમ દૂર કરી અને સવાસો કરોડ ભારતીયો માટે ખરા અર્થમાં ૭૩મું આઝાદી પર્વ એક ઐતિહાસિક પર્વ બની ગયું છે.

સરકારના શાસનસૂત્રને સ્પષ્ટ શબ્દોમાં જણાવતા મુખ્યમંત્રીશ્રીએ કહ્યું કે, ગુજરાતમાં પણ સરકારે ગાંધી, સરદાર, નરેન્દ્રભાઈ, અમિતભાઈના પદચિન્હો પર ચાલીને સ્વરાજ્ય પછી સુરાજ્ય ગુડગવર્નન્સની નવતર કેડી પ્રસ્થાપિત કરી છે. આઝાદી પહેલા ‘‘ડાઇ ફોર નેશન’’ અને હવેલિવ ફોર નેશનનો મંત્ર જન જનમાં ગૂંજતો કર્યો છે. દેશમાં પોલીટીકલ ડેવલપમેન્ટના નવો યુગવિકાસની રાજનીતિ ગુજરાતે પ્રસ્થાપિત કરી છે.

તેમણે ઉમેર્યું કે, સરકાર લોકો માટે, લોકો વડે, લોકો થકી, લોકોના સપનાઓને સિદ્ધ કરે, જ્ઞાતિજાતિ, ભાષાધર્મપ્રાંતપ્રદેશથી ઉપર ઉઠીને સામાજિક સમરસતાસૌહાર્દથી સૌના સાથ અને સૌના વિકાસને સાકાર કરનારી સરકાર છે.  પ્રજાતંત્રમાં પ્રજા સર્વોપરી છે અને પ્રજાએ હંમેશા કટોકટીના કાળમાં પ્રજાએ એક મેચ્યોર મેન્ડેન્ટ આપ્યા છે. લોકશાહીની ગરિમાને વધારી છે. સામાન્યમાં સામાન્ય માનવી ગરીબ, વંચિત, પીડિત, શોષિત, ગામડું, ખેડૂત, યુવા, મહિલા બધાને લાગે કે સરકાર પોતીકી છે.

Chota Udepura Ma 73ma S‍vatantrya Parvani Ujavani 02
Chota Udepura Ma 73ma S‍vatantrya Parvani Ujavani 02

શ્રી વિજયભાઇ રૂપાણીએ જણાવ્યું કે, એક પળ પણ આરામ કર્યા વગર દિનરાત પ્રજાકલ્યાણના કામોમાં સરકાર સમર્પિત છે.  ૬૦૦થી વધુ નિર્ણયો કરીને અનિર્ણાયકતાને ફગાવીને નિર્ણાયકતાના આધાર પર આપણે આગળ વધી રહ્યા છીએ. સંવેદનશીલ સરકાર તરીકે પ્રત્યેક જીવોની ચિંતા, બધાંયને અભયદાન અને દિશામાં આપણે આગળ વધી રહ્યા છીએ. અનેક નિર્ણયો એવા છે કે જે નિર્ણયોમાં સંવેદનશીલતા અને સંવેદના લોકો, ગરીબો અને પીડિતો માટે આપણે વ્યકત કરી છે.

ગુજરાતના ૬૦ લાખ પરિવારોને આરોગ્યની સુરક્ષા આપવા માટે મા અમૃતમ અને મા વાત્સલ્યની યોજના ચલાવીને સૌને આરોગ્યની સુરક્ષા, કોઇની પાસે હાથ લાંબો કરવો પડે તેવી વ્યવસ્થા આપી છે.  બેટીને જન્મથી વધાવવા ‘‘વ્હાલી દીકરી યોજના’’ શરૂ કરી છે. બેટી બચાવો, બેટી પઢાવો અને હવે બેટી વધાવો દિશામાં આપણે આગળ વધી રહ્યા છીએ. સાથે સાથે કયાંય પણ અકસ્માત થયો હોય તો ગોલ્ડન અવરમાં પચાસ હજાર રૂપિયા સરકાર આપે. ડોકટરોએહોસ્પિટલોએ પૈસાની રાહ જોવી પડે દિશામાં આપણા પ્રયત્નો છે અને યોજના આપણે લાગુ કરી દીધી છે. ગરીબ પરિવારોના લગ્ન માટે જાનમાં જવા માટે નબળા વાહનોના ઉપયોગથી અકસ્માતો થતા હતા.

એસ.ટી.ની બસ નજીવા દરે આપીને રંગેચંગે લગ્ન ઉજવે. ગરીબો પણ આનંદથી લગ્નની ઉજવણી કરે દિશામાં પણ ગરીબો માટે નિર્ણય કર્યા છે. ગરીબો માટે, મજદૂરો માટે ૧૦ રૂપિયામાં ગરમ ભોજન અન્નપૂર્ણા યોજના હેઠળ દાળ, ભાત, શાક અને રોટલી મળે. કોઇ ભૂખ્યું સુવે એની ચિંતા કરી છે.

Also You like to read
1 of 111
Chota Udepura Ma 73ma S‍vatantrya Parvani Ujavani 03
Chota Udepura Ma 73ma S‍vatantrya Parvani Ujavani 03

ગરીબોને રહેવા માટે માથે છત પ્રધાન મંત્રી આવાસ યોજના, મુખ્ય મંત્રી આવાસ યોજના. દરેકને ઘરનું ઘર, રોટી, કપડાં મકાનની વ્યવસ્થા પણ રાજ્ય સરકારે કરી છે. રાજ્યની માતા અને બહેનોની સુરક્ષા માટે સરકાર દ્વારા લેવામાં આવેલા પગલાંની શ્રી રૂપાણીએ જાણકારી આપી નારી સુરક્ષા પ્રત્યેની પોતાની પ્રતિબદ્ધતાને દોહરાવી હતી.

રાજ્ય સરકારે પારદર્શક શાસન આણ્યું છે, તેની માહિતી આપતા મુખ્યમંત્રીશ્રીએ કહ્યું કે, ભ્રષ્ટાચારને ડામવા માટે એન્ટીકરપ્શનને વધુ મજબૂત બનાવી પૂરતી સત્તા આપી છે. ભ્રષ્ટ લોકો માટે કડકમાં કડક કાર્યવાહીની રાજ્ય સરકારે છૂટ આપી છે. અનેક કાયદા, નિયમો એવા હતા જેના કારણે ભ્રષ્ટાચારને પ્રોત્સાહન મળતું હતું. એવા કાયદાઓ, નિયમો બદલાવ્યા. પરવાનાઓમાંથી મુક્તી આપી છે.

તેમણે કહ્યું કે, ખેડૂતોના હિતને સરકારે હંમેશા પ્રાધાન્ય આપ્યું છે. ખેડૂતો માટે ખેડૂતોને વ્યાજના ખપ્પરમાંથી દૂર કરવા ટકા વ્યાજથી ધિરાણ આપ્યું છે. રૂા. ૫૦૦ કરોડ રીવોલ્વીંગ ફંડ પણ ઉભું કર્યું છે.  કિસાન સન્માન નિધિ યોજના અંતર્ગત ગુજરાતના તમામ કિસાનોને આવરી લીધા છે. ટેકાના ભાવની ખરીદીમાં ૮૦૦૦ કરોડ રૂપિયાની ખરીદી કરી છે.  ખેડૂતોને પાણી અને વીજળી સારી રીતે મળે, સિંચાઇ અને કૃષિની ચિંતા કરીને ખેડૂતની આવક બમણી કરવા માટે પણ રાજ્ય સરકાર કટીબદ્ધ છે.

Chota Udepura Ma 73ma S‍vatantrya Parvani Ujavani 04
Chota Udepura Ma 73ma S‍vatantrya Parvani Ujavani 04

દુષ્કાળ તથા કુદરતી આપત્તિના સમયે દિવસોમાં પણ કચ્છ સહિત અનેક વિસ્તારોમાં કોઇપણ પશુ ઘાસ અને પાણીની કોઇ તકલીફના પડે તેની તકેદારી સરકારે લીધી હતી, એમ પણ તેમણે કહ્યું હતું. શ્રી રૂપાણીએ જણાવ્યું કે, નર્મદા ડેમ તેના ઇતિહાસમાં પહેલીવાર ૧૩૧ મીટરે ભરાયો છે. હવે મા નર્મદાના નીર ગુજરાતની કૃષિ ક્રાંતિના છડીદાર બન્યા છે. સાથે, રાજ્યએ વિવિધ સાતત્યપૂર્ણ વિકાસની વિવિધ માહિતી પોતાના સંદેશમાં રજૂ કરી હતી.

મુખ્યમંત્રીશ્રીએ દ્રઢ સંકલ્પ વ્યક્ત કરતા કહ્યું કે, ક્લીન એનર્જી અને આવનારી પેઢીને શુદ્ધ પર્યાવરણ મળે તે માટે નક્કર પગલાં લઈ રહ્યાં છીએ. હાલ ૯૦૦૦ મેગાવોટને ર૦રર સુધીમાં ૩૦,૦૦૦ મેગાવોટ સુધી લઇ જવું છે. આગામી ત્રણ વર્ષમાં લાખ ઉપરાંત ઘરો સોલર રૂફટોપ યોજના અન્વયે આવરી લેવાશે.  રીતે કુલ ૧૮૦૦ મેગાવોટ વિજળી ઉત્પાદનનો આપણો લક્ષ્યાંક છે. વર્ષે રૂ. ૧૦૦૦ કરોડની જોગવાઇ કરી છે. ગંદા પાણીના નિકાલ માટે રૂ. ૨૨૭૫ કરોડના ખર્ચે ડીપ સી પાઈપલાઈન નાખી રહ્યાં છીએ.  

વડાપ્રધાશ્રી નરેન્દ્રભાઇ મોદીની કલ્પનાઓ અને સપનાઓ મુજબનું શક્તિશાળી, સામર્થ્ય શાળી, સમૃદ્ધ ભારત બનાવવાલિવ ફોર નેશનનો ભાવ જનજનમાં જગાવવા તેમણે આહ્વાન કર્યું હતું. મુખ્યસચિવ શ્રી જે. એન. સિંઘ અને ડીજીપી શ્રી શિવાનંદ ઝા મુખ્યમંત્રીશ્રીને રાષ્ટ્રધ્વજ દંડ તરફ દોરી ગયા હતા. ત્યાં મુખ્યમંત્રીશ્રીએ તિરંગો લહેરાવી સલામી હતી. તે સમયે પોલીસ બેન્ડની સૂરાવલી સાથે રાષ્ટ્રગાન થયું હતું. વખતની પરેડમાં મહારાષ્ટ્ર પોલીસની એક પ્લાટૂન પણ સામેલ થઇ હતી.

Chota Udepura Ma 73ma S‍vatantrya Parvani Ujavani 05
Chota Udepura Ma 73ma S‍vatantrya Parvani Ujavani 05

બાદમાં રંગારંગ સાંસ્કૃતિક કાર્યક્રમોની પ્રસ્તુતી થઇ હતી. જેમાં સ્થાનિક શાળાના બાળકો દ્વારા યોગાસનો, નૃત્યો ઉપરાંત પોલીસ કર્મયોગીઓના સમુહે કાર્યક્રમની સુંદર રજૂઆત કરી હતી. મહિલા પોલીસની રાયફલ ડ્રિલે દર્શકોમાં ભારે આકર્ષણ જમાવ્યું હતું.

કાર્યક્રમ બાદ મુખ્યમંત્રીશ્રી રૂપાણીએ ખુલી જીપમાં ફરી જનશક્તિનું અભિવાદન જીલ્યું હતું. રાજ્યકક્ષાના ધ્વજવંદન કાર્યક્રમમાં સાંસદ શ્રી ગીતાબેન રાઠવા તથા શ્રી નારણસિંહ રાઠવા, ધારાસભ્ય શ્રી મોહનસિંહ રાઠવા, નગરપાલિકા પ્રમુખ શ્રીમતી નેહાબેન જેસ્વાલ, શ્રીમતી અંજલીબેન રૂપાણી, શ્રીમતી મિના સિંઘ, વરિષ્ઠ અધિકારીઓ સુશ્રી સંગીતાસિંઘ, શ્રી અશ્વિની કુમાર, કલેક્ટર શ્રી સુજલ મયાત્રા સહિત નાગરિકો મોટી સંખ્યામાં ઉપસ્થિત રહ્યા હતા. (દર્શન/લિમ્બાચિયા)

મિત્રો, જો તમને આ પોસ્ટ ગમે છે, તો કૃપા કરીને નીચે આપેલ બટન લાઇક, શેર અને ફોલો બટનને દબાવો અને તમારા મિત્રો, પરિવાર તથા તમારી સાથે કામ કરતાં સહકર્મચારીઓ સાથે આ પોસ્ટ શેર કરો અને વધુ આરોગ્ય સંબંધિત સમાચાર, લેખો અને અપડેટ્સ માટે અમારા પેજની મુલાકાત લો તેમજ ફોલો કરો.

Get real time updates directly on you device, subscribe now.

This website uses cookies to improve your experience. We'll assume you're ok with this, but you can opt-out if you wish. Accept Read More