- Advertisement -

ફતેવાડી કેનાલમાંથી ખેડૂતોને દરરોજનું 160 ક્યુસેક પાણી મળી રહેશે

અમદાવાદ જિલ્લાની ફતેવાડી કેનાલમાંથી હવે ખેડૂતોને દરરોજનું 160 ક્યુસેક પાણી બારેમાસ સિંચાઇ માટે મળી રહેશે

અમદાવાદ જિલ્લાની ફતેવાડી કેનાલમાંથી હવે ખેડૂતોને બારેમાસ સિંચાઇ માટે પાણી મળી રહેશે. ફતેવાડી કેનાલમાં સાબરમતીના નીચાણવાળા ભાગમાં આવેલા દસક્રોઈ, સાણંદ, બાવળા અને ધોળકા તાલુકાના ગામને સિંચાઈ માટે પાણી પુરું પાડવામાં આવે છે. છેલ્લા બે વર્ષથી સરદાર સરોવર બંધમાં ઓછી આવક થવાના કારણે ફતેવાડી કમાન્ડ વિસ્તારમાં સિંચાઈનું પૂરતું પાણી આપી શકાતું નહોતું. ખેડૂત આગેવાનોની રજૂઆત ધ્યાને લઈ હવે આ યોજનાથી સુએઝ ટ્રીટમેન્ટ પ્લાન્ટનું શુદ્ધિકરણ થયેલું પાણી સિંચાઈ માટે ખેડૂતોને પૂરતાં પ્રમાણમાં આપી શકાશે.

Fatehwadi Kenala Mathi Kheduto Ne Dararoj Nu 160 Kyusek Pani Mali Rahese

- Advertisement -

- Advertisement -

91

Get real time updates directly on you device, subscribe now.

ફતેવાડી કેનાલમાંથી ખેડૂતોને દરરોજનું 160 ક્યુસેક પાણી મળી રહેશે

  • સુએઝના શુદ્ધિકરણ થયેલા પાણીનો સિંચાઇ માટે ઉપયોગનો નવતર અભિગમ
  • અમદાવાદ જિલ્લાની ફતેવાડી કેનાલમાંથી હવે ખેડૂતોને દરરોજનું 160 ક્યુસેક પાણી બારેમાસ સિંચાઇ માટે મળી રહેશે
  • સુએઝ ટ્રીટમેન્ટ પ્લાન્ટના પાણીની સિંચાઇથી ખેડૂતની આવકમાં વર્ષે ૮૦ કરોડનો વધારો થશે

અમદાવાદ જિલ્લાની ફતેવાડી કેનાલમાંથી હવે ખેડૂતોને બારેમાસ સિંચાઇ માટે પાણી મળી રહેશે. ફતેવાડી કેનાલમાં સાબરમતીના નીચાણવાળા ભાગમાં આવેલા દસક્રોઈ, સાણંદ, બાવળા અને ધોળકા તાલુકાના ગામને સિંચાઈ માટે પાણી પુરું પાડવામાં આવે છે. છેલ્લા બે વર્ષથી સરદાર સરોવર બંધમાં ઓછી આવક થવાના કારણે ફતેવાડી કમાન્ડ વિસ્તારમાં સિંચાઈનું પૂરતું પાણી આપી શકાતું નહોતું. ખેડૂત આગેવાનોની રજૂઆત ધ્યાને લઈ હવે આ યોજનાથી સુએઝ ટ્રીટમેન્ટ પ્લાન્ટનું શુદ્ધિકરણ થયેલું પાણી સિંચાઈ માટે ખેડૂતોને પૂરતાં પ્રમાણમાં આપી શકાશે.

 નર્મદા જળસંપત્તિ પાણી પુરવઠા અને કલ્પસર વિભાગ હેઠળ અમદાવાદ શહેરના સુએઝના શુદ્ધિકરણ થયેલ પાણીનો પુનઃઉપયોગ કરી સિંચાઇ સુવિધા સુદ્ધઢ કરવાની યોજનાનો મુખ્યમંત્રીશ્રી વિજયભાઈ રૂપાણીએ પ્રારંભ કરાવ્યો હતો. સુએઝ ટ્રીટમેન્ટ પ્લાન્ટમાંથી શુદ્ધિકરણ થયેલ પાણીને ફતેવાડી નેહરમાં નાખવાનું કામ માર્ચ-૨૦૧૯માં શરૂ થયું હતું, જે માત્ર ૧૦ માસના ટુંકાગાળામાં પૂર્ણ કરી દેવામાં આવ્યું હતું.

 આ યોજના રૂ. ૧૦૦ લાખના ખર્ચે આકાર પામી છે. ૩૫ એમએલડી, ૪૮ એમએલડી, ૧૨૮ એમએલડી અને ૨૪૦ એમએલડી સુએઝ ટ્રીટમેન્ટ પ્લાન્ટમાંથી અંદાજિત દરરોજનું ૧૬૦ ક્યુસેક પાણી ખેડૂતોને સિંચાઇ માટે બારેમાસ ઉપલબ્ધ રહેશે. જ્યારે વાર્ષિક ૫,૦૦૦ મિલિયન ઘન ફુટ પાણીનો જથ્થો સિંચાઇ માટે ઉપલબ્ધ બની રહેશે. વાસણા બેરેજની કુલ સંગ્રહ ક્ષમતા ૧૮૯.૦૦ મિલિયન ઘન ફૂટ છે એટેલે કે અમદાવાદ મહાનગરપાલિકાના આ સુએજ ટ્રીટમેન્ટ પ્લાન્ટના શુદ્ધિકરણ થયેલ પાણીથી ૨૬ વાર વાસણા બેરેજ ભરાય તેટલું પાણી ખેડૂતોને સિંચાઇ માટે ઉપલબ્ધ રહેશે.

Related Posts
1 of 443
Fatehwadi Kenala Mathi Kheduto Ne Dararoj Nu 160 Kyusek Pani Mali Rahese
Fatehwadi Kenala Mathi Kheduto Ne Dararoj Nu 160 Kyusek Pani Mali Rahese

 આ પાણીના વપરાશથી ફતેવાડી સિંચાઇ વિસ્તારના ખરીફ ઋતુમાં ૫૪૦૦ હેક્ટર તથા રવિ ઋતુમાં ૬૮૦૦ હેક્ટર વિસ્તારમાં સિંચાઇ માટે પાણી પૂરૂ પાડી શકાશે. આ યોજનાથી દર વર્ષે કૃષિ આવકમાં અંદાજે રુ. ૮૦ કરોડનો વધારો થશે. નર્મદા યોજનાના પાણીની નિર્ભરતામાં પણ ઘણા અંશે ઘટાડો થશે. આ ઉપરાંત સુએઝ ટ્રીટમેન્ટ પ્લાન્ટના શુદ્ધિકરણ થયેલા પાણીના નિકાલનો પ્રશ્ન પણ હલ થશે.

રાજ્યના જળ સંપત્તિ વિભાગ દ્વારા કરવામાં આવેલા આ કામગીરી રાજ્ય સરકારની રિયુઝ ઓફ વેસ્ટ વોટર પોલીસી અંતર્ગત શહેરના સુએઝ વોટરનું શુદ્ધિકરણ કરી સિંચાઇમાં ઉપયોગ કરવા માટેની આ એક નવી પહેલ અન્ય વિસ્તાર તથા અન્ય સંસ્થાઓ માટે એક ઉત્તમ ઉદાહરણ બની રહેશે. અમદાવાદના કલેક્ટરશ્રી કે.કે.નિરાલાએ જણાવ્યું હતું કે, ગુજરાતે જળ પ્રબંધન ક્ષેત્રમાં રિયૂઝ અને રિસાયકલનો અભિગમ અપનાવીને ઉપલબ્ધ જળસ્ત્રોતોનો મહત્તમ ઉપયોગ થાય તે માટેની કલ્પનાને વાસ્તવમાં સાકાર કરી બતાવી છે. આ પ્રોજેક્ટ તેની સફળતાનું પરિણામ છે.

ફતેવાડી નહેર યોજના એક ડાયવર્ઝન યોજના છે, જેનું ઉદભવસ્થાન વાસણા બેરેજ છે. વાસણા બેરેજના નિર્માણ પહેલા નાની ફતેવાડી નહેર યોજના વર્ષ ૧૯૪૮માં પૂર્ણ થઇ હતી. જ્યારે મોટી ફતેવાડી નહેર યોજના વર્ષ ૧૯૫૨માં પૂર્ણ થઇ હતી. આ નહેરોની કુલ લંબાઇ ૩૭૬ કિ.મી છે. આ યોજના ઘરોઇ બંધથી ૧૫૦ કિ.મી દૂર આવેલી છે. વાસણા બેરેજની સ્થાપના વર્ષ ૧૯૭૬માં થઇ હતી. કુલ સ્ત્રાવ વિસ્તાર ૧૦,૨૭૬ ચો.કિ.મીનો છે.

વાસણા બેરેજમાં મહત્તમ પુરવહન ક્ષમતા ૭,૫૦,૦૦૦ ક્યુસેક, મહત્તમ સંગ્રહ શક્તિ ૧૮૯  મિલિયન ઘન ફૂટ છે. વાસણા બેરેજના દરવાજાની કુલ સંખ્યા ૩૦ છે. વાસણા બેરેજની ઉપરવાસમાં આવેલ એચ.આર.થી ફતેવાડી ફીડર નેહર શરૂ થાય છે, જેની વહન ક્ષમતા ૧૬૦૦ ક્યુસેક છે, જ્યારે વધારાના વરસાદી અને પુરના પાણીનો નિકાલ સબારમતી નદીમાં કરવામાં આવે છે. (અહેવાલ : ગોપાલ મહેતા)

મિત્રો, જો તમને આ પોસ્ટ ગમે છે, તો કૃપા કરીને નીચે આપેલ બટન લાઇક, શેર અને ફોલો બટનને દબાવો અને તમારા મિત્રો, પરિવાર તથા તમારી સાથે કામ કરતાં સહકર્મચારીઓ સાથે આ પોસ્ટ શેર કરો અને વધુ આરોગ્ય સંબંધિત સમાચાર, લેખો અને અપડેટ્સ માટે અમારા પેજની મુલાકાત લો તેમજ ફોલો કરો.

Source By : gujaratinformation.net

Get real time updates directly on you device, subscribe now.

loading...

- Advertisement -

This website uses cookies to improve your experience. We'll assume you're ok with this, but you can opt-out if you wish. Accept Read More